عالمی ادارہ صحت کا کہنا ہے کہ مغربی افریقی ممالک میں ایبولا وائرس کے نتیجے میں ہلاک ہونے والے افراد کی تعداد چھے سو ساٹھ ہو گئی ہے۔
عالمی ادارہ صحت کے ترجمان نے کہا کہ اس وبا کے نتیجے میں ایک ہزار افراد متاثر ہو چکے ہیں جبکہ ان کی تعداد میں اضافے کا خدشہ موجود ہے۔
بتایا گیا ہے کہ اٹھارہ اور بیس جولائی کے دوران ایبولا وائرس کی وجہ سے اٹھائیس افراد ہلاک ہوئے جبکہ اس وائرس میں مبتلا ہونے کے پنتالیس نئے کیسز ریکارڈ کیے گئے۔
گنی، لائبیریا اور سرالیون میں اس بیماری کے خلاف عوامی مہم جاری ہے تاہم روایتی رسوم و رواج اس وبا کے پھیلاؤ میں اضافے کا سبب بن رہے ہیں۔